Txirringa eskolan: abileziak eta gaitasunak lantzen

Azaroak 19an eskolako patioa txirrindulari trebez bete zitzaigun. Hauen artean etorkizuneko txirrindulariak aurkitu ditugu. Horren adibide moduan, begiratu bideo hauek:


           1.maila           2. maila            3. maila            4. maila            5.maila          6.maila                           

Egun horretako argazki batzuk ere baditugu. Egin klik irudian argazkiak ikusteko:

Ibilaldia Escritako basoan zehar

Joan den azaroaren 11n LHko ikasle eta irakasleok Escrita azpian kokatuta dagoen basora irteera bat egin genuen. Basoan eta basotik kanpo, ekintza desberdinak burutu genituen zuhaitz eta zuhaitz hauen hostoak ezagutzeaz gain. Oso egun polita pasatu genuen, hona hemen bideo hau egun horretan ateratako zenbait argazkirekin.

2. mailakoak igeriketa ikastaroan

Bigarren mailako ikasleak Sergiorekin igeriketako ikastaro bat egin dute eta asko ikasteaz gain, oso ondo pasatu dute! Hemen duzue horren adibidea...

Igerilari bikain hauen argazki batzuk ere atera ditugu. Argazkiak ikusi eta jaitsi nahi baduzue, egin klik argazki kameran

Elikadura egoki baten garrantzia

Kirolari on bat izatera heldu nahi baduzue, elikadura egoki bat izatea behar beharrezkoa izango zaizue. Hona hemen zenbait aholku:

1. Denetarik jan. Elikagai piramidean azaltzen diren elikagai guztiak sartu behar dituzu zure dietan eta ez duzu suntantzi artifizialik hartu behar, osasunaren arloko profesional batek gomendatua ez bada.
2. Egunean 5 aldiz jan, betiere giro egokian eta beste batzuekin batera. Jatekoak, konpartituz gero, gustu gehiagora ohituko zara.
3. Eguna hasteko gosari ona: arrautza egosi bat edo York pernila; esne gaingabetua edo erdigaingabetua, zereal, gaileta edo ogiarekin eta zuku naturala.
4. Goiz erdian, fruta 1 edo 2. Arratsaldean askarirako, jogurta, koipe gutxiko gazta edo txokolate beltza gailetekin. Ez inoiz hartu ez opil industrialik, ez produktu oso koipetsurik.
5. Jateko nagusia eguerdikoa izan behar da. Bazkarian ez dituzu inoiz ahaztu behar karbono-hidratoak eta proteinak, ez eta frutak eta barazkiak ere.
6. Eguneko elikadura osatzeko afaria erabili; ura, zopa, entsalada edo fruta jan, hidratatzea behar baduzu; egunero beharrezko dituzun gainerako hidratoak edo proteinak lortzeko berriz, arroza edo pasta, arrautzak arrain zuria, pernil egosia, oilaskoa edo indioilarra jan ditzakezu.
7. Egunean 1,5 - 2 litro ur edan, nahiz eta edateko gogorik ez izan. Gainera, kontuan izan kirola egiten baduzu berreskuratu egin behar duzula izerditan galdutako ur guztia.
8. Kontsumitzen duzun beste jan. Horrela, ez zara gose izango eta pisu egokia mantenduko duzu. Garrantzitsua da ondo mastekatzea eta astiro jatea.
9. Elikagai naturalak eta kalitatezkoak erabili. Elikagaiak baporean, laban, erreta edo parrillan, eginez gero, larregiko koipea hartzea saihestuko duzu.
10. Elikagaiak modu egokian nahastu behar dituzu. Kalorien %60 karbono-hidratoak izan behar dute; %25, koipeak eta %15a, proteinak.

irudia handiagoa ikusteko egin klik hemen

1. ziklokoak San Mamesen

Joan den urrian 19an lehenengo eta bigarren mailako ikasleak San Mamesen egon ziren Athletik sentimendua bizitzeko asmoarekin. Bertako argazki batzukin osatutako bideo bat ikusi nahi baduzue, egin klik beheko irudian.

Gorputz Hezkuntza zertarako?

Kaixo ikaskideok!

Dagoeneko  lehenengo astea egin dugu elkarrekin eta gure saioetan ondo pasatzeko oinarriak finkatu ditugu. Oraindik 4.maila B-koak eta 2.mailakoak ez gara elkarrekin egon, baina aste honetan elkar ikusiko gara!

 

 Baina gogoratu Gorputz Hezkuntzan ondo pasatzeaz gain, ikasi egiten dugula!!!

   - Gauza berriak ikasten ditugu

   - Besteekin erlazionatzen ikasten dugu

   - Norberaren burua eta besteak baloratzen ikasten dugu

   - Materiala eta instalakuntzak zaintzen eta errespetatzen ikasten dugu

   - Ahalegintzen, gure mugak gainditzen eta abilagoak izaten ikasten dugu

   - Bizitza osasuntsuagoa eta osoagoa izaten ikasten dugu

Oraindik badago norbait gure saioak ezertarako balio ez dutela pentsatzen duenak. Eta zuek? zer gehiago ikasten dugula pentsatzen duzue? Animatu eta iruzkinean zuen iritsiak idatzi!

Kaixo ikasleok!

Bihartik aurrera eskolako pasabideetan zehar aurpegi berri bat ikusiko duzue!

Ni naiz, Joxe, zuen Gorputz Hezkuntzako irakaslea. Joan den urtean zuekin egotekoa nintzen baina beste lan batzutan aritu nintzen. Entzun dut bai, iazko ikasturtean Raulekin oso ondo pasatu zenutela. Aurtengo ikasturtean ere joan den ikasturtean bezain ondo pasatzen saiatuko gara. Horretarako guztion partetik ipini beharko dugu, nire aldetik saio erakargarriak eta zuen aldetik lan egiteko gogo eta ahalmen guztia.Hasteko, elkar ezagutzeko jolas batzuk prestatzea pentsatu dut. Zer iruditzen zaizue?

Ea ba! laister arte. Besarkada bat.

Gitarra-entzunaldia Kontxa eskolan

Eskola eta institutuko ikasle batzuk Karrantzako musika-eskolan landutako abestiak jo zuten.

Pintxo eguna 2011

Apirilak 15 pintxo eguna ospatu genuen eskolan. Lehen aldiz ospatzen zen gure eskolan, lan pilo egin genuen, baina merezi zuen.

Ikasurtea bukatu dugu...

Lehenik eta behin, barkamena eskatu sarrera berririk aspadidanik ez dudalako igo. Maisua oso lanpetuta ibili da oposaketakin, ikastaroekin ,... eta kurtso bukaera ahalik eta hoberena izateko!!!.

Aurreko ostegunean azken eguna ospatu genuen Suceson! Egun polita, azken asteko egun guztiak bezalaxe!!! Alde batetik pozik, oporrak hartzen ditugulako, beste alde batetik triste. Ikasurte ahaztezina, etxetik urrun baina etxean bezain eroso egon naiz Karrantzan.

Ikasurte honetan ekintza pilo egin ditugu, batzuk beste batzuk baino hobe atera dira baina denak ezberdinak. Datorren ikasurterako ekintza asko eta ezberdinak egiteko asmoa nuen, zoritxarrez ezin izango ditut egin, Gorputz Hezkuntzako plaza hartuta baitago. Zorionez, beste irakasle bat izango duzue gauza ezberdinak ikasteko aukera emango dizuena!!

Oposaketako azterketa egin dudanez, tribunalaren aurrean defentsa egitea besterik ez zait falta ... eta zorte pixka bat oposaketak gainditzeko!! Horregatik hurrengo egunetan blogean jarriko ditut ikasurte honetako egindako ekintzen argazkiak eta bideoak ...  eta ez dira gutxi!!!

Eskerrik asko zuzendaritza taldeari, irakaslei, ikaslei, gurasoei, jantoki arduraduenei, sukaldariei, Karrantzako herriari eta blog hau irakurtzen duzuenoi!! Mila esker!!!


maisu.

Sucesoko jaia: dantzaldia

CEP Kontxa LHI-ko 5. maila: Sucesoko jaia: dantzaldia

CEP Kontxa LHI-ko 5. maila: Gaur ikasturteko azken txangoa ospatu dugu. Egun b...

CEP Kontxa LHI-ko 5. maila: Gaur ikasturteko azken txangoa ospatu dugu. Egun b...: " Argazkiak Picasan ikusi eta deskarga ditzakezu: Ason"

Karrantzako DBHko ikasleak irabazle Zallako Triatl...

CEP Kontxa LHI-ko 5. maila: Karrantzako DBHko ikasleak irabazle Zallako Triatl...: "Zorionak!!!!! Gazte Triatloia. Enkarterri 2011 from Gugaz_TB on Vimeo ."

Olinpiadak aurrera doaz ...

Olinpiadak nola doazen jakiteko:

• Futbol txapelketa: 3. "A"-koek txiken txapelketa irabazi dute. 6. mailakoek nagusien txapelketa. Hurrengo ostiralean, ekainak 10, 6. mailako eta irakasleen arteko partidua jokatuko da.
• Xake txapelketa: Oier- Itzal, Maialen R.- Ander, Paul- Ainhize eta Xabi- maisuren kontra. 
• Hula Hoop txapelketa: Astelehenean txikien txapelketa eta Asteartean nagusiena.
• Igela txapelketa: Asteazkenean ospatuko dugu.
• Triziklo txapelketa: Ostegunean!!.
• Pala txapelketa: Finalak ekainaren 21ean jokatuko dira.
• Sokatira txapelketa: ekainaren 21ean.

Begira itzazue Sarrerako atean dauden paperak. Bertan, Txapelketen informazioa bilatuko duzue.
Datorren astean Play Back txapelketaren argazkiak eta bideoren bat jartzeko ea astirik dudan.

Bizikleta eguna

Karrantzako Sciedad Ciclista-koekin batera, eskolak bizikleta eguna antolatu zuen. Pintxazoak erreparatzen ikasi, bizikleten kanbioak nola aldatu ikasi, ... egin genuen "manito" eta bere lagunekin.

Nekane eta Maider bizikletekin. Argazki gehiago ikusteko egin klik argazkiaren gainean.

Triziklo lasterketa

Haur Hezkuntzako trizikloak hartu eta 4. mailakoek triziklo lasterketa egin zuten. Bideo bat igoko dizuet konprobatzeko zein ondo dabiltzaten ikusteko.

Play Back Txapelketa

Aurreko ostiralean, maiatzak 27, Play Back txapelketa antolatu genuen. Haur Hezkuntzakoek xalala riki, riki!!,  5 urtekoak "loretxoa" dantza zuten, 1. mailakoek "euri tantak", 2. mailakoek Shakiraren "rabiosa", 3. mailakoek Lady Gagaren "Poker face", 4. mailakoek "no rompas mas mi pobre corazon" "una chica ye-ye" eta "un amor de locos" , 5. mailakoek "It´s on" eta 6. mailakoek "dame mas gasolina" dantzatu zuten. Sariak dantza guztientzat egon ziren!! Arratsalde bikaina!!!

Haur Hezkuntzakoek xalala riki, riki dantzatzen. Diplomak ikusteko egin klik argazkiaren gainean.

Argazki Lehiaketa

Berandu bada ere, Pintxo egunean antolatutako Argazki Lehiaketako argazkiak igoko dizkizuet.
Argazki gehiago ikusteko egin klik argazkiaren gainean.

KORRIKA 2011

Apirilaren 15ean Pintxo egunarekin batera, KORRIKA TXIKI ospatu genuen Karrantzako kaleetatik.
KORRIKAko argazkiak ikusteko egin klik argazkiaren gainean.

Pintxo eguna

Apirilaren 15ean Pintxo Eguna ospatu genuen eskolan. Pintxo oso onak eta goxoak jan genituen!!
Egun honetako argazkiak ikusteko egin klik argazkiaren gainean.

Gallartako meatzari museora bisita

Apirilaren 6an Gallartako meatzari museora joan ginen bisita egitera. Onso ondo antolatuta zegoen, bertako meategi buruzko historia eta ezaugarri asko ikasi genituen. Arratsaldean, Mioñoko kargaderoak ikustera joan ginen.
Argazkiak ikusteko egin klik argazkiaren gainean.

Karrantzako mendietatik martxa

Handiago ikusteko egin klik dokumentuaren gainean.

Saltoka saltoka nabil ni gustora ...

Nekane eta Maider sokasaltoan aritu ziren.

ONDO PASA OPORRAK

Gaur Argazki Lehiaketa, Pintxo txapelketa eta Korrika txiki ospatu dugu eskolan. Ez dut astirik izan argazkiak hartzeko. Oporretatik bueltatzen naizenean, gaurko egunean ateratako argazki guztiak igoko dizkizuet. Eskerrik asko denoi!!! Ondo pasa oporrak!!!

Pintxo Eguna

Datorren ostiralean, apirilaren 15ean, Pintxo eguna ospatuko dugu Kontxa eskolan. Egun horretarako, goizean argazki lehiaketa eta pintxoen txapelketa antolatu dugu. Arratsaldean, berriz, Korrika txiki ospatuko dugu.

KORRIKA 17

Gaur, Apirilak 7, Korrika Trebiñotik atera da. Donostian bukatu da apirilaren 17an. Karrantzatik ere pasako da!! Eskolan apirilaren 15ean ospatuko dugu Pintxo Egunarekin batera!!

UDABERRIKO OLINPIADAK

Aste Santu ostean, Udaberriko Olinpiadak ospatuko ditugu Kontxa eskolan!! Play Back, Pala, Hula Hoop, Futbol, Igela, Sokatira eta Ajedrez txapelketak egongo dira. Apuntatu nahi duenak, maisuak emandako orrietan apuntatzeko aukera du. Apuntatu baino lehen, arauak irakurri!! Sariak egongo dira eta sorpresatxoren bat ere!!

Kirolari ausarta

Buenos Aires Ikastetxeko 4 urteko gelakoentzat

Orain dela 3 aste edo, iaz lanean ibili nintzen eskolara bueltatu nintzen bisita egitera. Harrera ezin hobea egin zidaten, batez ere, 4 urtekoek!! Gainera Blog hau jarraitzen dutela kontatu zidaten!! Gaur, martxoak 15, andereño Susanaren urtebetzea da. Zorionak Andereño!!! eta besarkada handi bat guztiontzat!!

Iazko eskolako 4 urteko ikasleak hormaren gerizpean.

Ihauteriak

Aurreko post batean esan bezala, ihauteriko argazki batzuk igo behar nituen.
Argazki gehigo ikusteko klikatu argazkiaren gainean.

5. mailako zombiak Kontxako plazan.

Katuaren begirada magikoa

Lau egun ezer posteatu gabe! Hau fundamentua!. Ihauteriko argazkiak igo behar nituela esan baina astirik ez!! Post honetan joko bat proposatzen dizuet, karta bat aukeratu eta nire katu magikoak baietz asmatu!!

 

Emakumeen Nazioarteako Eguna

Gaur, Martxoak 8, Emakumeen Nazioarteko Eguna ospatzen da. Zorionak neskak!

Ihauteriak

Ostiralean ihauteriak ospatu genituen Kontxa eskolan. Goizeko hamarretan kalejira egin genuen Karrantzako kaleetatik. Giro polita! Aurtengo gaia, beldurra izan da, hori dela eta, eskola mamuz, banpiroz, sorginez eta zombiz beterik zegoen. Kalejira egin ondoren, playback-ak, txokolatada eta diskoteka-karaoke izan genuen!.

Asteazkenean, oporretatik bueltatzen naizenean, argazki eta bideo batzuk igoko dizkizuet.

" Mi novio es un zombi, es un muerto viviente..." ihauteriko diskotekan abestirik dantzatuena.

Txatxo eskolan

Ihauteriak heltzear dira eta gure Txatxo aste osoa eskolatik ibili da. Txatxok agindutakoa ekarri dutenei (kapela, pekak eta belarritakoa) gozokiak eman dizkie, ezer ekarri ez dutenei,berriz, erratzarekin jo die!
Datorren urtera arte ez da bueltatuko gure Txatxo! Agur Txatxo! Eskerrik asko!

Txatxo Toñorekin atezaintzan.

ERRELEBOAK KARTEKIN

Erreleboekin jarraitzen dugu, baina kasu honetan ez dugu uztairik eraman behar. Uztaiaren barruak kartak daude, 1etik 6era, denak ahoz behera. Talde bakoitzaren lehenak aurrean duen uztaiara hurbildu eta karta bat aukeratuko du. 1 zenbakia bada, karta hartu eta bere taldera eramango du. 1 zenbakia ez bada, karta ahoz behera utzi eta taldera itzuliko da bigarrenari erreleboa emanez. Bigarrenak, 1 zenbakia zein den asmatzen badu, taldera itzuli , erreleboa eman eta hirugarrenak 2 zenbakia duen karta non dagoen asmatu beharko du,... 1etik 6era ordenean batzen dituen takdeak irabaziko du.

4. mailako ikasleak karteei buelta ematen.

MARTXO HAIZETSU, URTE SAGARTSU

Horrela dio esaerak, garai batean, baserritarrak asko zuen jokoan sagarrondoekin eta sagardoarekin.
Badaude beste esaera batzuk:
"Eguzki eta euri, martxoko eguraldi".
"Martxoko lorea, batere ez hobea; apirileko lorea, urrea baino hobea; maiatzako lorea, batere ez baino hobea".
"Martxo haizetsu, apiril euritsu, maiatza gero eguzkitsu.

 

ERRELEBOAK

Ikasle kopuruaren arabera, 2, 3 edo 4 taldetan egingo ditugu. Talde bakoitzean bi uztai egongo dira kono baten barruan. Kono horren aurrean beste kono bat egongo da, 30 metrotara. Taldeko lehenak uztaiak eraman beharko ditu kono batetik bestera, bigarrenak ekarri, hirugarrenak eraman,... taldeko partaide guztiak erreleboak eman arte. Errelebo guztiak azkarren ematen duen taldeak irabaziko du.

4. mailako Nekane, Xabi eta Markel beraien erreleboa ematen.

BOTE-BOTE

Jokoa hasteko ikasle batek botea (baloia) ostikoz joko du hasierako lekutik. Gelditzen denak botea (baloia) hartu eta atzerantz hasierako itzuli behar du, beste guztiak ezkutatzen diren bitartean. Botea (baloia) bere lekuan utzita, ezkutatutakoak bilatzen hasiko da. Norbait ikusiz gero, potea (baloia) dagoen tokira joan, eskuan hartu eta bote bote eta ikusitakoaren izena esango du. Ezkutatutako batek irten eta poteari (baloiari) ostikoa emanez gero, denak berriz ezkutatzera.

 4. mailako Nekane eta Maider zenbatzen.

Minitramp - 4. maila (Bideoa)

Orain dela bi aste 4. mailakoak Minitramp-arekin saltoak egiten egon ziren! Beraien saltoak nola egiten dituzten ikusi nahi dutenez, grabatu genuen.
(Soinua egokia ez denez, soinu gabe igo dut)

4. mailakoen Minitramp-ean saltoak egiten.

24.000 ALETAKO PUZZLEA

Aurten, 4. mailakoek, erronka gogorra dute, munduko puzzlerik handiena osatzea izango da. 24.000 ale!
Hau desafio hau! Lau taldetan daude antolaturik eta talde bakoitzak 6.000 aletako puzzle-zatia egingo du. Animo!!!

 Puzzlearen zati bat (6000 ale). Horrelako 4 daude.

Minitramp - 5. maila

Aurreko astean minitramp-ean salto egiten aritu ziren 5. mailakoak. Bideo bat grabatu eta argazkiak atera zituzten, bakoitzaren saltoak ikusi ahal izateko. Hemen dituzue:

Argazki guztiak ikusteko klikatu argazkiaren gainean.

Izarra

Erreleboak lantzeko jolasa. Talde bakoitzeko partaide bakoitzak "izarrari" buelta eman eta bere taldeko azken lekuan hurrengoeri erreleboa emateko. Taldeko azkenak, buelta eman ondoren, taldekideen hankeen artetik pasako da izarraren erdian dagoen sarira heltzeko.

2. mailako ikasleak izarreran jolastean.

Trainerak

Karrantzan ez dugu itsasorik, erreka ez da oso zabala ... Baina arraunean egiten badakigu. Arraun-palarik ez dugu erabiltzen eta ziabogak egiteko baloia erabiltzen dugu. Argazki bat jarriko dugu, jolas honen bideoa grabatzen dugunean, askoz hobeto ulertuko duzue!!!

2. mailako ikasleak Trainerak.

Tapones de plástico solidarios

Un niño de 11 años llamado Ronan sufre distrofia muscular de Deuchenne. Esta enfermedad está denominada como enfermedad rara y se caracteriza por un deterioro de los músculos que controlan el movimiento. A Ronan, sus pies ya no le sirven para andar y necesita apoyo mecánico para realizar actividades en las que se usan los brazos.

      Su familia ha inventado una campaña que consiste en recoger tapones de plástico de cualquier envase para recaudar fondos. Con esta campaña se quiere recaudar suficientes fondos como para poder adquirir un bipedestador. El bipedestador es una silla de ruedas que posibilita la posición erguida a personas con enfermedades musculares como esta. El precio medio está entre los 9.000 y los 14.000 euros. Una empresa de reciclaje les paga 200 euros por cada tonelada de tapones.

      En diciembre, tras conocer la noticia, comenzamos en 4º de Primaria y, posteriormente, lo hemos dado a conocer al resto de la escuela, a través de correos electrónicos al profesorado para que, si consideraban oportuno, lo abrieran a sus alumnos y alumnas.

Azkenengo hamabostaldian bildutako tapoiekin kolore askotako igerilekua osatu genuen.

 Guztira, 7.429 tapoi bildu dituzte. Eskerrik asko denoi!!!!

Igela

Aintzinako jokoa, gero eta gutxiago ikusten diren arren, oraindik leku askotan ikus ditzakegu Igelak. Nor ez da saiatu igelaren ahotik fitxak sartzen?. Ez da batere erraza! Eskolako igelan, ahotik sartzea 5 puntu balio du, goiko zulotik, berriz, puntu bakar bat.

4. mailako Alen fitxak sartzen saiatzen.

Minitramp

Aurreko astean minitramp-ean salto egiten aritu ziren 4. mailakoak. Bideo bat grabatu eta argazkiak atera zituzten, bakoitzaren saltoak ikusi ahal izateko. Hemen dituzue:

 Argazki guztiak ikusteko klikatu argazkiaren gainean.

San Ferminak (Bideoa)

Aurreko ostiralean lehenengo mailakoak San Ferminetan egon ziren! Traje zuririk ez, ezta zapi gorririk lepoan! Zezenak Cebada Gago-koak baino azkarragoak! Gezurra ez dela frogatzeko Entzierroa grabatu genuen!!!
(Soinua egokia ez denez, soinu gabe igo dut)

1. mailakoen entzierroa.

Gorputza Han, Burua Hemen

Banituen gaurko argazki batzuk preparatuta! Ostirala, nekea, maisuaren burua, ... eta pendrive-a eskolan ahaztuta!!! Datorren asterako argazkiak blogean izango dituzue eta grabatu ditugun jolasen bideoren bat, akaso. Dolomitetako argazki eder bat igoko dizuet.

 

Monte Cristello eta Tri cima di Lavaredo (Cortina d´Ampezzo)

Ziba akrobatikoa

Aurreko egunean El Hormigueron programan tipo bat agertu zan zibarekin jolasten. Egia esan, guk ziba dantzatzearekin nahikoa dugu!!!

Bonba!!!

Baloia erabiltzen dugu, baina jolas honetan baloia bonba batean bihurtzen da!!! Erdikoak zenbatu, norabide aldaketak eta bonbak eztanda noiz egingo duen oihukatuko du. Besteok albokoari baloia pasatzen azkar-azkar, bonba esku artean leher ez dadin!
Arriskua!!! Arrisku handia!!! Bonbaaaaaaaaaaaa!!!

5. mailako ikasleak Bonban jolasten.

Iturriak

Lurrean marraztutako ibilbide batean, jokalariak txandaka irteeratik aterako dira eta ahalik eta azkarren helmugara iristen saiatu. Txanda bakoitzean bi aldiz jaurti daiteke, eta bidetik irtenez gero txanda bat bota gabe egon ondoren irtendako lekutik jarraitu beharra dago.

 2. mailako ikasleak iturriekin jolasten.

STOP

Nork ez du ezagutzen STOP jolasa? Badaezpada, nola jolasten den gogoratuko dugu:Jokalari bat harrapatzailea da eta besteren bat harrapatzen saiatu behar da. Norbait ukitzen badu STOP esan baino arinago, bera bihurtzen da harrapatzaile. Iheslariak STOP esaten badu, hanka zabalik gelditu behar da baten bat bere hankapetik pasatu arte. 

 2. mailako ikasleak STOPean jolasten.

Bakearen eguna

Aupa denoi! Asteburua eta maisua post berria jartzen? Zoratu al da?
Bakearen egunerako prestatutako bideoa igotzeko besterik ez da!!
Maisu Rober oso azkar ibili da eta Youtubera igo du inor baino lehen!!!
Nola nabaritzen den Ingeleseko irakaslea denbora libre asko duela!!! je je je

Michael Jackson-en Thriller pausuz-pausu ikasteko

AGATE DEUNA

 KANTA ENTZUTEKO KLIKATU HEMEN
Otsailaren 4an, urtero bezala, AGATE DEUNA ospatuko dugu. Horretarako, ibilbide bat antolatu dugu herritik zehar!

Lau patioak

Polis eta kakos jolasaren antzekoa, baina lau patioetan polizi bakoitzak bere espazioa dauka, ezin du beste polizien eremura sartu. Lapurrak, aldiz, lau eremuetatik ibili daitezke, jolas honetarako aurpegiko bi begiak baino gehiago behar dira!!!

1. mailako ikasleak Lau patioetara jolasten.

Play Back Txapelketa

Aurten txapelketa ugari izango ditugu eskolan: pala, jolas herrikoiak, uztaiena, ... eta play back txapelketa!. Momentuz,, maisuak ez du erabaki noiz izango den txapelketa, baliteke Apirilean izatea, Aste Santu aurretik.  Beraz, bi hilabete dituzue zuen koreografia prestatzeko. Eguna zehazki dakidanean, abisatuko zaituztet talde bakoitzaren partehartzaileen izenak eta egin behar duzuen abestiaren izena apuntatzeko. Batzuk hasi dira prestatzen beraien koreografia, Irakasle Gelatik Lady Gagaren "poker face" eta Kesha-ren kanta bat entzun baita!!. Animo!!!.

Otsaila

Gaur Otsailan sartu gara, hilabete gogorra, hilabete hotza. Karrantzan horretaz zerbait badakigu!!!
Esaerak horrela dio: "Otsailean gizona mangutsik ikusi baino, otsoa ardi artean ikusi hobe"

Bakearen Eguna

Gaur, Urtarrilak 31, Bakearen Eguna ospatzen dugu eskolan. Hainbat ekintza antolatu ditugu: abestiak, dokumentalak, ... eta mosaiko bat!.
Michael Jacksonek abesti zoragarria egin zuen egun honetarako, horrela dio:
"...Heal The World Make It A Better Place
For You And For Me And The Entire Human Race
There Are People Dying If You Care Enough For The Living
Make A Better Place For You And For Me!"

Beisbolpie

Beisbolpie moduan ezagutzen dugu, Ingelesak Pitch (lanzar gazteleraz) deitzen diote, baita Tee ere. Ikasleek oso gustoko duten jokoa, oso estrategikoa. Zelaian zehar ondo kokatua egotea baloia botatzea bezain garrantzitsua da. Karrantzan ibaia eskolatik gertu dugunez, Home Run-ak bertan bukatzen dute!!!

6. mailako ikasleak beisbolpien jolasten.

Gure etorkizuna

Argazki honetan ikus ditzakegu etorkizuneko Joko Olinpikoetan urrezko domina irabaziko duten ikasleak!!!. Momentuz, psimotrizitate gelan ederto konpontzen dira!!!

3 urteko ikasleak psikomotrizitate gelan.

Zelai errea

Gazteleraz balón quemado, beroketa egiteko askotan jolasten garen jolasa. Ez dago taldekiderik, denak denen aurka! Jolas honetan baloia harrapatzen jakitea baloia botatzen jakitea bezain garrantzitsua da! 5,4,3,2,1... has dadila jokoa!

6. mailako ikasleak baloi errean jolasten.

Pala txapalketa

Hurrengo asteetan eskolako pala txapelketa ospatuko dugu. Gutxi batzuk entrenatzen hasi dira!.

2. mailako Alba palarekin

Ostiralaaaaaaaaaaaaaaaaaa!!!

Aste gogorra izan dugunoi eskeinita!!! Egindakoa zerbaitetarako balioko digulakoan!!!

Erloju berria

Erloju berria jarri dugu gimnasioan. Aurreko erlojua baloi batekin apurtu zuten!!!
Ia erloju berri hau hobeto zaintzen dugun eta ikasurte amaiera arte irauten duen!!!

Zaku lasterketa

Dueloak eta lasterketak egiten ibiltzen gara, askotan itzelezko kolpeak hartuz, baina ez da minik!
Denak lasterka eta azkena ... ipurdi gizena!!!

3. B-ko ikasleak zaku lasterketan.

Zangoak

Gaur zangoak erabiliko ditugu, neskek trebetasun handia erakutsi dute, mutilak espero baino hobeto ibili dira!
Horren adibide beheko argazkia duzue.

3. B-ko ikasleak zangoekin.

Saltoka saltoka

Saltoka saltoka nabil ni gustora, salto ta salto bat sartu arte.
Sartu dadila Itxaso eta biok elkarrekin, salto eta salto bat irten arte!!!

2. mailako ikasleak soka saltoan.

San Ferminak

Ez da Santo Domingoko aldapa, ezta Estafeta kalea ere. Ez gaude Uztailan, ezta Iruñan ere. Urtarrilan eta eskolako gimansioan gaude!!! Bertan sarritan ikusiten dira "miurak" edo bestelako zezenak!!!

1. mailako ikaslean San Ferminetan.

Katea

Gazteleraz cadeneta, beroketa egiteko erabili ohi dugun jolasa. Esparru mugatu batean harrapatzaile bat gelditzen da eta besteak harrapatu behar ditu. Lortu ahala kate bat osatuko dute. Bazterretakoak baino ezin dute harrapatu, eta ezin izango da harrapatu katea apurtzen bada. Guztiak harrapatuta daudenean bukatzen da jolasa.

3. A-ko ikasleak jolasten.